Адміністратар парафіі: а. Алег Шэнда, капуцын; тэл: (29) 212 3478, (29) 389 7793, e-mail: aleh.senda@gmail.com; адрас: 220002, г. Мінск, а/с 71. Пакуль няма пастаяннага месца для адпраўлення св. Імшы ў м-не Уручча, хацім паведаміць, што звычайна Настаяцель парафіі ў Нядзелю ў 17.30 адпраўляе св. Імшу ў касцеле Св. Тройцы на Залатой Горцы (пр. Незалежнасці 44а), на якую прыходзіць шмат вернікаў з Уручча.
У 1992 годзе ў Мінску была зарэгістравана парафія св. Юзафа, апека над якой была даручана Братам Капуцынам, а пробашчам назначаны а. Анатоль Ярошка. Месцам набажэнстваў была невялікая каплічка ў прыватным доме (раён вуліц Багдановіча, Халтурына, Базіснай).
У 2004 годзе парафія была перарэгістравана пад новай назвай - св. Францішка Асізскага, а ў 2007 годзе, калі у Мінску былі акрэслены дакладныя граніцы парафій, тэрыторыяй дзейнасці парафіі св. Францішка паводле распараджэння біскупа стаўся мікрараён Уручча 4, 5, 6, а таксама вул. Уручская.
Комментариев нет:
Отправить комментарий